Garaipen borrokatua juvenilek larunbatean Gernikako taldearen aurka eskuratutakoa.
Denbora ugari zeramaten gazteek norgehiagoka hau prestatzen.
Bazekiten ez zela irabazteko erraza izango eta inoiz baino gogorrago egin
beharko zutela lan zelaira ateratzean. Oso parekatuta daude bi taldeak eta
orain arte jokaturiko partidetan hori oso argi geratu da. Larunbat honetan
talde osoaren lan bikaina da goraipatzekoa, partidaren egoera ezberdinen
aurrean, bai aurrelariek, baita lerrokoek ere, bikain erantzun zieten beren
eginbeharrei, gainontzeko taldekideei lana erraztuz. Partidako puntuazioari
dagokionez, honakoa izan zen;
Lehen zatian arabarren aldeko zigor kolpeetatik bi
makiletara botatzen ahalegindu zen Josu
Carrillo taldeko kapitaina baina ez zuen punturik eskuratzea lortu. Lehen
zatia bukatu aurretik Akierrek,
lerroko jokalariak, entsegua sartu zuen eta Josuk transformatu. Bigarren
zatiari dagokionez, bizkaitarrek bi entsegu sartu zituzten baina Josuk entsegu
marratik bost metrora zeudeneko aldeko zigor kolpe batean azkar jokatu zuen eta
entsegua sartu zuen, hau ere transformatu egin zuen. Horrela lortu zuten
gasteiztarrek 17-10eko garaipen
ederra.
Zorionak eta animo
gaztiak!
No hay comentarios:
Publicar un comentario